Ви ја откриваме највредната компанија во Европа: За неа нема рецесија
Конгломератот LVMH ја „изеде“ својата конкуренција, најголемиот производител на храна и пијалоци во светот, Нестле, со цел да стане највредната компанија во Европа.
Според истражувањето објавено од „Финарија“, францускиот конгломерат има вредност проценета на околу 264,6 милијарди евра на 26 февруари годинава, што им овозможи да ја преземат титулата од Нестле, со вредност од 242 милијарди евра. Според оваа публикација, постојаната развојна империја на Бернард Арно сега има проценета вредност од 328,9 милијарди долари, што е за дваесет милијарди повеќе од швајцарскиот гигант во областа на храната и пијалоците и нивната вредност од 308,7 милијарди. Сега, LVMH се смета за 21-та највредна компанија во светот, каде што Apple е на првото место со вредност што надминува 2,1 трилиони долари.
LVMH се состои од 75 основни брендови поделени во пет категории, вклучувајќи модни куќи Луј Витон, Диор, Живанши и Фенди, група посветена на шампањ и алкохолни пијалоци Мот-Хенеси и неодамна купената култна златарница, Тифани и Ко.
Додека акциите и профитот на конгломератот LVMH доживеаја значителен пад во првата половина на минатата година поради пандемијата на коронавирусот, до почетокот на ноември тие успеаја да се вратат во колосек и да ја завршат годината со профит од околу 24%. Всушност, акциите на LVMH скокнаа скоро 43% од истиот период минатата година.
Генерално, приходите на LVMH минатата година паднаа за околу 16% на 53 милијарди долари, што, земајќи ги предвид сите фактори, во никој случај не е лошо. Слободно можеме да кажеме дека солидните перформанси на оваа група доаѓаат од два основни фактори - првиот е поделбата посветена на модата, додека втората е нивната еластична продажба во Азија.
Кога станува збор за 2021 година, аналитичарите велат дека групата LVMH може да очекува зголемување на приходите од 18%, и затоа, претседателот на конгломератот е подеднакво оптимист.
„Во контекст што останува неизвесен, и покрај вакцинациите кои ни даваат надеж за крај на пандемијата, уверени сме дека компанијата е во одлична позиција да го надгради своето закрепнување, дополнително зајакнувајќи ја нашата улога на глобалниот пазар на луксуз“, - рече Арно.
