Знаете ли кои се Шопите од Шопската салата? Околу неа се караат Македонците, Србите и Бугарите, а малкумина знаат како го добила името

Шопска салата е традиционално јадење на балканската кујна и Македонците, Србите,  a некои Турци и Грци нагласуваат дека тоа е нивно национално јадење.

Од друга страна, популарностa на салатата е поширока од областа на нашиот полуостров. За тоа сведочи и фактот што во 2014 година, на натпревар организиран од Европскиот парламент, токму шопската салата беше избрана за најпопуларно национално јадење во Европа. Како првопласирана оваа салата освои над 20.000 гласови од жителите на Европа, додека за споредба, на второ место се најде ладната супа од цвекло од Литванија со „само“ 5.000 гласови.

Сепак, додека уживате во вкусната закуска направена од домати, краставици, кромид, пиперки и сирење, ретко кој ќе праша од кого го добила името шопска салата?

Кои се Шопи од „Шопската салата“

Шопската салата се смета за наследство на Шоп, припадник на јужнословенските племиња кои ги населувале централните делови на Балканскиот Полуостров во средниот век.

Според Јован Цвијиќ, Шопи или Шопови живееле во областа на западна Бугарија, источна Македонија, југоисточна Србија, како и во мал дел од денешна Грција. Велат дека на крајот на 19 век „шопскиот дијалект“ бил врска меѓу српскиот и бугарскиот јазик.

Оваа населба се занимавала со сточарство. Летото го поминувале во своите катуни или бачии терајќи овци на пасишта и во исхраната најмногу користеле млечни производи, а пред се сирење. Можеби токму во овој факт треба да се бара почетокот на приказната за познатата салата.

Народ раселен низ Балканот

Под инвазијата на Турците, Шопите мигрирале и со текот на времето се мешале со другите балкански народи, пред се Бугарите, Србите и Македонците. Повеќето од нив денес го прифатија националниот идентитет на овие народи, иако сè уште има и такви кои се сеќаваат на нивните корени и се декларираат како Шопи.

Денес, најголемиот дел од населението на Шопи живее во западна Бугарија. Софија се смета за центар на оваа област. 

А што се однесува до шопската салата, денес Бугарите најмногу ја присвојуваат како свое јадење, иако на југот и југоисточниот дел на Србија, особено во Босилеградската област, ќе ви кажат дека оваа позната салата потекнува од нив.