Зошто мислиме дека јануари трае ПРЕДОЛГО: Научниците го објаснија овој феномен

Понекогаш се чини дека јануари трае вечно. Зошто е тоа така?

Веќе со години се прават шеги за тоа како всушност јануари трае шеесет дена, но тоа се‘ уште никој не ни го кажал. Субјективно е чувството дека првиот месец од годината трае многу подолго од сите други. Комбинацијата на тмурно зимско време, фактот дека празниците се зад нас и вината за неуспешните новогодишни одлуки придонесуваат за чувството на бесконечност овој месец.

Она што скоро сите ги интересира е зошто на прво место имаме чувство дека јануари предолго трае. Излегува дека има објаснување за тоа. Според научниците, чувството е последица на внатрешниот допамински часовник. Допаминот е хормон кој мозокот го ослободува кога е поттикнат од задоволство, уживање, достигнувања.

The NewStates објави дел од студија која заклучи дека допамин често се ослободува во текот на ноември и декември поради сите настани околу празниците. Имено, за време на празничните месеци сите сме секогаш зафатени, па дури и премногу. Имаме многу обврски и малку време за одмор, што резултира со повисоки нивоа на допамин во споредба со остатокот од годината.

Јануари го спречува тоа затоа што се враќате на старото јас. Бидејќи во тој месец не се случува многу, освен враќањето на работа, на умот му се досадува, што го успорува внатрешниот часовник на телото. Ова е причината зошто нашиот ден изгледа како да трае една година.

На сето тоа големо влијание имаат и финансиите. Малкумина успеваат да го контролираат трошењето за време на празниците, па на крајот трошиме повеќе отколку што планиравме. Кога ќе помине еуфоријата и ќе погледнеме во паричникот, се соочуваме со фактот дека ни остануваат само неколку банкноти до платата која како никогаш нема да дојде.


Фото: unsplash