Зошто повеќето пениси имаат облик на печурки? Научниците развија неверојатна теорија
Професорот Гордон Галуп, од Државниот универзитет во Њујорк, предводеше тим од научници кои во 2003 година ја истражуваа анатомијата на човечкиот пенис и се обидоа да одговорат на прашањето зошто пенисот, барем кај повеќето мажи, има облик на печурка.
Одамна, научниците веруваа дека пенисот еволуирал во оваа форма, бидејќи е развиен и како „алатка“ за отстранување на спермата на љубовниците од женската вагина. Теоријата беше многу едноставна: мажите сакаа да се осигураат дека тие ќе ја продолжат својата лоза и ќе ја добијат битката со кого жената ќе забремени, па еволуцијата „одговори“ на таа потреба.
Тим на Галуп во 2003 година ја потврди таа теорија, откривајќи дека пенисот - благодарение на делот каде што е транзицијата помеѓу глансот и телото - навистина може да помогне да се „исчисти“ вагината на жената и нејзиниот репродуктивен систем од спермата од претходниот љубовник. Тоа значело дека новиот партнер може да ја отстрани секоја конкуренција и да го замени семето на претходниот партнер со свое семе, пишува The Sun.
Истражувачите ја тестирале својата теорија во лабораторија, со латекс пениси и модели на вагина. Со мешање на скроб и вода заедно, тие откриле дека работ околу врвот на пенисот на мажот може да извлече повеќе од 90 отсто од спермата во вагината со само едно движење.
- Од ова заклучивме дека мажите еволуирале со уникатно конфигурирани пениси кои служат токму за истиснување на спермата што другите мажи ја ејакулирале во вагината - изјави Галуп. Тој додаде дека нашле и докази дека паровите во кои постои сомнеж дека жената го изневерувала мажот, или се долго време разделени, често имаат погруб секс, што може да биде последица на потсвесната желба на мажот да ја „ослободи“ партнерката од било каква трага од сперма од друг маж.
Колешка на професорот Галуп, Ребека Бурч, во извештајот објавен во Journal of Evolutionary Psychology, додала дека подолгиот пенис не само што е предност за „поставување“ сперма во подлабок, помалку пристапен дел од вагината, туку и со полнење и проширување на вагината, исто така, би ја поттикнало ејакулацијата подлабоко, за да се намали можноста друг маж да ја истисне. Тоа е, всушност, средство за зголемување на веројатноста за татковство.
Теоријата датира од времето кога жените имале секс со повеќе партнери за да ги зголемат шансите за бременост. Така, иако ова е можеби причината зошто пенисот еволуирал како што еволуирал, шансите се дека тие особини ќе им бидат помалку важни на мажите денес.
Постојат многу различни форми на пенисот, односно не постои стандард, ниту форма која би се сметала повеќе или помалку „нормална“. Иако повеќето пениси ќе бидат варијација на обликот на печурките, големината, обемот, аголот или обичајот на обрежувањето се само некои од факторите кои можат да предизвикаат пенисот да изгледа поинаку, пренесува 24.sata.hr.
