Бројот на заразени од коронавирус премина 21 милион, најкритично во овие земји

Бројот на пациенти со вирусот ковид-19 надмина 21 милион и сега изнесува 21.030.489, објавено е на веб-страницата Worldomerter.

Еден милион луѓе во светот се заразиле само во претходните три дена, бидејќи дваесеттиот милион заразени со ковид-19 се регистрирани на 10 август.

Од почетокот на епидемијата починаа над 750.000 луѓе, а скоро 14 милиони се опоравени.

Во моментов, скоро 6,5 милиони случаи се активни, а од вкупниот број на пациенти, повеќе од 64.000 се во критична состојба.

Најлоша е состојбата во Соединетите држави, Бразил и Индија, кои бележат мултимилионски случаи, а потоа следат Русија, Јужна Африка, Мексико и Перу.

Од европските земји, веднаш до Русија, која се приближува до првиот милион заразени, најлошата е ситуацијата во Шпанија, каде од појавата на вирусот се разболеле скоро 380.000 луѓе, а починале 28.605 лица.

Во Индија епидемијата не стивнува, само денес се регистрирани 64.114 нови случаи и 1.006 смртни случаи.

Соединетите држави сè уште се најтешко погодени, повеќе од 5.400.000 луѓе се заразени, а 170.000 починаа.

Бразил исто така регистрираше голем број заразени лица за 24 часа - 54.402 и 1.200 жртви.

Денес, повеќе од 5.000 пациенти се регистрирани во Мексико и Русија, 4.002 на Филипини, 3.841 во Ирак, 1.935 во Шпанија и 2.669 во Франција.

Иран, Бангладеш и Индонезија исто така имаат повеќе од две илјади нови случаи.

(Танјуг)