Да не прокиснеше покривот, никогаш не би дознале: Поткровјето во семејната куќа со години крие неверојатна ТАЈНА!

Сопствениците на куќата во францускиот град Тулуз тргнале да го поправат покривот што протекувал, но оваа мисија била прекината по сензационалното откритие на таванот. Откриената слика е идентификувана како изгубено ремек-дело од италијански сликар од крајот на 16-ти до 17-ти век, Караваџо, и се проценува на 120 милиони евра.

Францускиот експерт за сликарство Ерик Туркин рече дека крвавата библиска сцена е сликата на Караваџо „Џудит ја обезглавува Холофернс“, насликана на почетокот на 17 век и исчезна без трага сто години подоцна. 

Сепак, Туркин исто така призна дека автентичноста на непотпишаната слика секогаш ќе биде сомнителна и авторството можеби никогаш нема да биде целосно утврдено. Сликата ја пронашле сопствениците на куќата на југозападот од Франција кога истражувале каде точно им тече покривот. Сликата е веднаш испратена за обработка.

„Многу карактеристична светлина и енергија типична за познат сликар, и сè е насликано без никакви корекции, со сигурна рака. Сето ова сугерира дека сликата е автентична. Погледнете како и се насликани ноктите, со нијанса на бело, и без никакви промени. Само врвен уметник може да го стори тоа, некој со авторитет “, рече Туркин за делото. 

Неговото мислење беше поддржано од еден од најголемите експерти за сликите на Караваџо, Никола Спиноза, поранешен директор на музејот во Неапол. Имено, славниот сликар (вистинско име Микеланџело Мериси) насликал две верзии на сцената во која еврејската хероина Џудит го обезглавила генералот Холофернес. Едната верзија е изложена во Националната галерија во Рим, а постоењето на другата верзија е познато благодарение на модерната копија на фламанскиот сликар Луис Финсон. 

Се верува дека оригиналот исчезнал на почетокот на 18 век и сосема е можно оттогаш да лежи на таванот на куќа во Тулуз. Францускиот министер за култура ја забрани продажбата на сликата се додека не се направи обид да се соберат пари и да се купи за Лувр, а доколку конечно се утврди автентичноста, сликата ќе вреди приближно 120 милиони евра.

Дури и ако се покаже дека сликата е копија на Финсон, таа ќе вреди десетици милиони евра. Во секој случај, семејството што ја пронајде сликата може да смета дека добило вистински џек пот!

Фото: Pixabay и Википедија