Имаат “Божји дар“ за кој други би убиле: Сите се шокираат кога ќе ги видат, но тие плаќаат висока цена
Мажите од индиското семејство Саркер од областа Раишахи, во северен Бангладеш, се раѓаат со една чудна деформација бидејќи немаат отпечатоци од прсти! Некој би помислил дека тоа е предност, а некој неповолност, но факт е дека ова семејство се соочува со многу пречки во животот поради исклучително ретка генетска состојба наречена адерматоглифија.
Имено, неколку генерации на мажи од семејството Саркер се раѓаат со целосно мазни врвови на прстите, што го оневозможува оставањето отпечатоци, односно немаат отпечатоци од прсти, што е основно средство за идентификација во системот за биометриска технологија.
Некои од последиците од нивната чудна вроденост се такви што не можеле да добијат возачка дозвола, а најмногу избегнуваат да патуваат затоа што се плашат да не бидат контролирани на аеродромот.
„Ја платив таксата, го положив испитот, но тие не издадоа лиценца затоа што не можев да дадам отпечаток од прст“, изјави неодамна Амал Саркер за Би-Би-Си. „Ова беше многу непријатно искуство за мене.
Амал додаде дека секогаш со себе носи потврда за возачка дозвола кога вози мотор, но тоа не му помогнало кога полицијата го запрела. Им ги покажал возачката дозвола и мазните врвови на прстите, но на крајот му напишаа парична казна.
Она што сè уште претставува проблем за ова семејство е купување СИМ-картичка, бидејќи владата на Бангладеш воведе закон со кој се усвојува купување на СИМ-картички со давање и споредување на отпечаток од прст со национална база на податоци. Без отпечатоци од прсти, Апу и Амал Саркер не успеаја да добијат свои СИМ-картички, па затоа користат картички од нивната мајка.
Болеста е релативно понова и се знае само од 2007 година, кога Питер Итин, швајцарски дерматолог, откри млада Швајцарка, која имаше проблеми со влегувањето во САД, бидејќи немаше отпечатоци од прсти. Лицето и одговараше на пасошот, но врвовите на прстите беа совршено мазни, па не можеше да остави трага.
Испитувањето на отпечатоците од прсти кај оваа прва пациентка со адерматоглифија и отпечатоците од прсти на неколку членови на нејзиното семејство ја насочиле причината за состојбата кон мутација на генот познат како SMARCAD1. Состојбата, која стана позната како „болест на одложување на имиграцијата“, се чини дека не создава други здравствени проблеми, освен целосен недостаток на отпечатоци од прсти.
Оваа генетска состојба е исклучително ретка и досега е забележана само во неколку семејства ширум светот. Дерматологот Ели Спречер, кој му помогна на професорот Питер Итин да ја дијагностицира состојбата, понуди да се тестираат генетски мажи од семејството Саркер и да се утврди дали страдаат од форма на адерматоглифија.
Сепак, ова семејство најде принудно решение за справување во современиот свет, па таквата напредна технологија им овозможи да добијат паметна картичка со скенирање на мрежницата.
