Забава // Занимливости

На Галапагос е пронајдена џиновска желка за која се мислеше дека е изумрена: Овој вид последен пат е виден во 1906 година (ФОТО+ВИДЕО)

  • 28 Мај, 2021

Фото: pixabay

Генетските тестови потврдија дека џиновската желка е пронајдена на островите Галапагос, вид што исчезнал за научниците пред повеќе од еден век.

Осамена женка е откриена за време на експедицијата во 2019 година на островот Фернандина.

За да ја докажат врската, научниците зеле примероци од женка за да ги споредат со остатоците од мажјакот од видот Chelonoidis phantasticus.

Последен пат овој вид бил виден во 1906 година.

Сега го забележале научници од Калифорниската академија на науките кои пловеле на островите Галапагос за да извршат сеопфатна студија за нивната флора и фауна.

Еквадор, чиј дел се и островите Галапагос, ја прослави добрата вест. 


„Се веруваше дека се изумрени пред повеќе од 100 години!“, Напиша министерот за животна средина Густаво Манрике на Твитер, додавајќи: „Надежта е жива“.

Женска џиновска желка од Фернандина, за која се проценува дека е стара повеќе од 100 години, моментално се наоѓа во одгледувачница на островот Санта Круз.


Научниците откриле отпечатоци и измет на островот Фернандина, за кои сметаат дека укажуваат на тоа дека во природата има повеќе индивидуи од тој вид.


Директорот на националниот парк Галапагос, Дани Руеда, изјави дека ќе биде покрената експедиција на островот Фернандина, со цел да се обидат да најдат други примероци од истиот вид.


Фото: Твитер

Видео: Твитер и Youtube


Можеби ќе ве интересира