Необична карта на Европа стана хит на социјалните мрежи: Еве какви се Македонците како домаќини (ФОТО)
На социјалните мрежи се појави интересна карта на Европа, која треба да го покаже видот на гостопримството во одредени земји, вклучително и во Македонија.
„Дали ќе добиете храна како гостин во нечија куќа?“, стои во објавата на страницата на Instagram @amazing_maps, каде земјите се претставени во различни бои.
Темно сината ги означува земјите каде што речиси секогаш ќе добиете храна, додека светло сината ги означува земјите каде често ќе ве почестат со храна.
Земјите прикажани со портокалова боја веројатно нема да ви дадат храна, додека земјите означени со црвено се таму каде што речиси никогаш нема да ви понудат храна.
Како е прикажана Македонија?
Судејќи по тоа, нашата земја е во добра позиција. Имено, како и сите земји на Балканот, и Македонија е прикажана во темно сина боја како земја која се истакнува по гостопримството.
Спротивно на тоа, одредени земји во северниот дел на Европа се означени со црвено. Меѓу нив се Германија, Холандија, Данска и Финска, Шведска, Норвешка и Исланд.
ФОТО: Инстаграм
