Пасошите ги има само во 4 бои: Но, на кое место е Македонија според моќноста, а кој е прв?

Јапонија сè уште го поседува најсилниот пасош во светот, според индексот „Хенли пасош“, кој ја рангираше Македонија на 42-то место.

Пасошот на соседна Србија е подобро рангиран од Црна Гора -43, која е на 36 место со можност за бесплатно патување во 135 земји

Имено, индексот на „најјак пасош“ се одредува според тоа во колку земји граѓаните на една земја можат слободно да патуваат, односно без виза.

Кога се во прашање другите земји од регионот, Словенија е најдобро рангирана. На 10-то место се најде пасошот на таа земја, чии граѓани заедно со Естонците и Литванците можат да заминат во 181 земја низ светот. Хрватскиот пасош е на 17-та позиција (173 земји).

Македонија е на 42 место (125 земји без визи).

Пасошот на Босна и Херцеговина (БиХ) се наоѓа на 47-то (117 земји), Албанија на 49-тото (114 земји).

Турскиот пасош е на 50-то место, додека пасошот на Руската Федерација го зазеде 46-тото место.

Кога станува збор за Јапонија, која со години е на првата позиција, граѓаните на таа земја можат слободно, односно без визи, да одат во дури 192 земји, што е подобрување во однос на 2018 година, кога Јапонците можеа да заминат во 189 земји без визи.

Јапонија го дели првото место со Сингапур, кој беше на второто место во 2018 година.

Германскиот и јужнокорејскиот пасош се на второ место, додека третото место го делат Финска, Италија, Луксембург и Шпанија, чии граѓани можат да одат без виза во 189 земји.

На четвртото место се најдоа Австрија, Данска, Франција, Холандија и Шведска. Нивните граѓани, според овој индекс, можат без виза да одат во 188 земји.

Ирска и Португалија се на петтото место (без визи во 187 земји), а потоа следат Белгија, Нов Зеланд, Норвешка, Швајцарија, Обединетото Кралство и САД (186).

Романија е на 16. место (174), а Бугарија на 17. (173).

Најлоши пасоши имаат граѓаните на Авганистан, Ирак, Сирија, Пакистан, Јемен и Сомалија, чии граѓани без визи можат да патуваат во околу 30 земји.

Но, Дали знаевте дека пасошите ги има само во 4 бои?

Да, пасошите на сите земји во светот се црвени, сини, црни или зелени. Очигледно, овие бои доаѓаат во различни нијанси, но тоа не го намалува фактот што сите други бои се изоставени.

И тоа не е сè. Секоја од овие бои има свое значење - политичко, географско, религиозно, итн. Да разјасниме.

Црвената е најчеста боја на пасош. Многу земји од сегашниот (Кина на пример) или поранешниот комунистички режим (како Русија) имаат црвени пасоши. Сите земји членки на ЕУ, освен Хрватска, имаат и пасоши во различни нијанси на црвена боја, најчесто бојата на Бургунди. Исто така, земјите што сакаат да влезат во ЕУ, како што се Турција и Албанија, симболично ја сменија бојата на нивните пасоши во црвена боја. И Македонија има пасош во боја на Бургинди, односно темно- црвена боја. Со тоа на еден начин покажува дека се стреми кон Европската унија. 

Инаку, Црната боја на пасошот е најретка. Само десетина држави во светот имаат црн пасош, а причината е главно географска или политичка. Меѓу нив има некои африкански земји, како Ангола, Чад, Конго и други. Нов Зеланд е една од ретките земји што се определи за пасоши во црна боја, бидејќи црната е нивната национална боја.

Сините пасоши се карактеристични за земјите од Нов свет, т.е. за Австралија и земјите од Северна, Централна и Јужна Америка. Андската заедница на земји, составена од Колумбија, Боливија, Еквадор и Перу е исклучок - нивните пасоши се црвени.

Од друга страна, Индија, Казахстан, Украина, Белорусија, Канада, БИХ, Сомалија и Кенија се само некои од државите чии пасоши имаат и синикорици. САД често пати ја менуваа бојата на патните исправи - од црвени во зелени до денешните сини.

Повеќето муслимански земји имаат пасоши со зелена боја. Имено, во муслиманскиот свет, зелената е симбол на верата - се смета за омилена боја на исламскиот пророк Мухамед и симбол на животот и природата, така што државите чие население ја исповеда оваа религија во најголем дел имаат зелени пасоши. Примери се Мароко, Алжир, Пакистан, Индонезија, Саудиска Арабија и многу други.

За одделни земји во Западна Африка, зелените пасоши ја симболизираат нивната поврзаност со ECOWAS (Економската заедница на западноафриканските земји), исто како што е случајот со пасошите на Европската унија.

Овие се само некои од најчестите и добро познати симболики зад бојата на пасошите на различни земји. Има некои, да ги наречеме „отстапувања“ - веќе ги спомнавме Хрватска, потоа Либија и Јемен кои, иако муслимани, немаат зелени, но сини пасоши, итн. Иако имаме четири основни бои, нивните нијанси се разновидни.

На пример, Сингапур има црвено-портокалова боја на пасош, додека патните исправи во Швајцарија се светло црвени.

Пасошите се менуваа и се развиваа со текот на времето - многу земји ја сменија бојата и дизајнот на корицата низ историјата, а со напредокот на технологијата и технологијата се воведоа нови безбедносни карактеристики. Бројни знаци, кодови и симболи, дизајнирани да спречат фалсификување на пасоши, се видливи само под УВ светло, што ги прави скриени од човечкото око.

Сепак, одредени пасоши имаат „скриени пораки“. Поточно, во најновиот дизајн на нивните патни исправи, некои земји направија измени во нивниот естетски и „забавен“ карактер. На пример, пасошот на Канада под ултравиолетово светло се оживува целосно - навидум обичните страници одеднаш стануваат живописно украсени.

Слично е на норвешкиот пасош, на чии страници УВ-светлината покажува илустрација на поларна светлина. Финска, од друга страна, направи нешто сосема друго. На секоја лева страница од финскиот пасош има една илустрација за животно кое живее на територијата на оваа земја. Како и да е, на секоја десна страница, во долниот десен агол, има слика на лос, дизајнирана да создаде илузија за движење на лос.

Погледнете како изгледа навистина:

Некои туристички дестинации имаат необични печати, како што се Велигденските острови или Мачу Пикчу. Иако тие се дел од Чиле и Перу, од кои во никој случај не се независни, тие на своите посетители им нудат можност да го испечатираат својот пасош со печат на несекојдневен изглед и со тоа да ја овековечат нивната посета. Наспроти тоа, посетителите на Ватикан нема да имаат официјална потврда на нивниот патнички документ дека престојувале во најмалата земја во светот.

Шефовите на држави и блиските членови на нивните семејства, но и другите владини претставници се доволно среќни да поседуваат т.н. дипломатски пасоши. Овие пасоши обезбедуваат бројни привилегии, како што се влез во многу земји без потреба од виза, ВИП третман на аеродромите ширум светот и слично.