СЗО: Огромен пораст на заразени во светот за еден ден

Статистиката на СЗО е заснована врз официјално потврдени податоци објавени од држави. Секојдневно се следи ситуацијата во секоја земја одделно, а потоа се сумираат податоците.

Па така, во претходните 24 часа во светот се регистрирани повеќе од 216.000 случаи на коронавирус, а вкупниот број заразени надмина 20 милиони, објави Светската здравствена организација. 

Досега се регистрирани 732.499 смртни случаи, а 4,268 лица починале само во вторникот, јавува статистиката на ТАС С.

Најголем број заразени лица сè уште има во Јужна и Северна Америка – 10,6 милиони. Во последните 24 часа регистрирани се 106.903 нови случаи, а 2,277 починати.

Вкупниот број на жртви во овој дел на светот е 390.850.  Во Европа, 3,6 милиони биле заразени, а 217.000 починале. Во Југоисточна Азија се регистрирани скоро 2,7 милиони пациенти и над 54,000 жртви.