Вила изградена за љубовницата на кралот: Најскапиот дом во Европа

Најскапата куќа во Европа се наоѓа на француската ривиера, во близина на Ница. Вилата Леополда била изградена во 1902 година за љубовницата на белгискиот крал Леополд II, Бланка Зелија Жозефин Делакро. По неговата смрт, Бланка била исфрлена, а кралскиот брат, кралот Алберт I се пресели во вилата.

Со текот на годините сопствениците се менувале, а од 1987 година сопственици станаа банкарот Едмонд Сафра и неговата сопруга Лили. По неговата смрт, сопругата добила понуда за куќата која не можела да ја одбие, 370 милиони евра и 19,5 милиони за мебел. Заинтересираниот купувач бил рускиот олигарх Михаил Прохоров. Тој за време на кризата во 2008 година се обидел неговата понуда и депозит од 39 милиони евра да ги повлече, но сé заврши со тужба  во корист на вдовицата.


Имотот се протега на речиси 8 хектари земјиште. Вилата располага со 19 спални соби, бројни спортски терени, мини кино, неколку кујни и ресторан, како и неколку базени. За време на Втората светска војна вилата беше користена како воена болница, а неколку децении подоцна како место за снимање на филмот "Фати го крадец" од Хичкок.