Во овој град, по зајдисонце на луѓето им е строго забрането да влегуваат : На самиот влез има предупредување, стражари се наоколу, а се вели дека кој влегол не излегол жив
Во овој мистичен град нема влез по зајдисонце. Приказните кои кружат се застрашувачки.
Индија е земја на приказни. Во неа живеат милиони народни легенди и митови, а во добар дел луѓето веруваат и денес. Едно од најмистериозните места во земјата е тврдината Бангарх, за која се вели дека е населена со духови. Станува збор за заштитен споменик под надзор на Археолошкиот институт на Индија (АСИ), што е и причината поради која таму е забранет ноќен престој, пренесува „Пункуфер“.
Нема духови, барем според чуварите. Меѓутоа, по зајдисонце, во тврдината понекогаш влегуваат и оние кои сакаат сами да се уверат како изгледа местото, без разлика што влезот е нелегален. Тие честопати ги споделуваат своите искуства на форуми и блогови, тврдејќи дека чуварите ги пуштиле со поткуп. За ноќен влез е потребна посебна дозвола од индиските власти.
Ако вашето патување ве однесе до овој дел на Индија, Бангар се наоѓа на 78 километри од Џајпур. Можете да изнајмите такси, по можност со резервна гума - бидејќи патиштата не се најдобри. Тврдината се наоѓа помеѓу Џајпур и Алвар, во државата Раџастан. Иако е во урнатини, сепак изгледа волшебно поради мирната и зелена околина, напуштените остатоци сведочат за некогаш прекрасното кралство изградено од Мадо Синг, помладиот брат на познатиот генерал Ман Синг.
Спомени од минатото
Експертите тврдат дека пејзажот што води до тврдината е пуст и дека буди чудно чувство - но не и средба со духови. Меѓутоа, локалните приказни раскажуваат за исчезнати луѓе и чудни гласови што се слушаат од урнатините. На самиот влез посетителите ги пречекува предупредување од Археолошкиот институт на Индија:
„Влегувањето во Бангар пред изгрејсонце и по зајдисонце е строго забрането.
Главниот влез води низ остатоците од стариот град, а внатре во ѕидините има остатоци од палати, храмови и напуштени пазари.
Локалните жители веруваат и тврдат дека оние кои влегле во тврдината откако ќе се стемни, никогаш не биле пронајдени. Една од легендите раскажува за моќен волшебник кој забранил секоја куќа во Бангарх да биде повисока од неговата. Ако му паднеше сенка на домот - градот ќе беше уништен. Внукот на Мадо Синг, Ајаб Синг, го игнорирал предупредувањето и подигнал висока градба. Сенка падна на куќата на волшебникот - и градот исчезнал.
Друга верзија на легендата вели дека овој волшебник бил заљубен во принцезата Ратнавати. Еден ден, тој и го заменил парфемот со супстанца што ќе ја натера да се заљуби во него. Ратнавати го открила трикот и го фрлила парфемот кон каменот, кој се тркалал назад и го убил волшебникот. Пред да умре, тој го проколнал целиот град, велејќи дека Бангарх ќе биде уништен и дека никој никогаш повеќе нема да може да живее таму. И навистина- никој не живее...
