Забава // Занимливости

Донирајте со срце за Цобе – Се ближи рокот за операцијата, недостигаат уште средства

20 Август, 2020

Веќе неколку недели хуманите луѓе донираат за Слободан Попов, кој што има напредна фаза на злокобната болест канцер. За спас на неговиот живот, дадени се препораки за радикална операција, односно ампутација на целата негова нога. Цобе и неговото семејство решиле лекувањето да се спроведе во Солун Р. Грција, со помош на интегративна онкологија, која го третира проблемот како спој од повеќе познати и научно докажани методи за лекување. Постигнале договор за спроведување на третман со онко-хипертермискаи хемо-терапија со Друштвото за трговија и услуги БИОМЕД ЕИД дооел Скопје, која е овластен дистрибутер на Onco-HyperthermiaGroup, Thessaloniki, Грција и EUROMEDICA GENIKI KLINIKI OF THESSALONIKI, Грција.

Со терапијата поголем дел од депозитот е уништен и е доведен во ситуација да биде отстранет со операција, а со неа ќе биде комплетно променет постоечкиот имплант (вештачки колк и бутна коска), кој претходно бил неуспешно е вграден при операцијата во Скопје.

Операцијата чини околу 50.000 €, кои за жал Цобе и неговото семејство не можат да ги обезбедат самостојно, при што побараа помош од добронамерните луѓе. Донациите растеа секојдневно во текот на минатите денови откако почна хуманитарната акција со „Срце за Цобе“. Се приклучија многу јавни личности, компании и хумани луѓе кои што донираа и повикуваа на донација. Останаа уште малку финансиски средства за да може Цобе да замине на операција и со тоа да продолжи да го живее својот живот со сопругата и 5 годишната ќерка.