Изгледа како рајски остров: 1000 пати поголема радијација од Чернобил

По експлозијата на нуклеарната централа во Чернобил во 1986 година, се стекна впечаток дека стана„нај радиоактивно место на земјата“, особено на покривот на објектот каде престојот од само 2 минути може да го преполови животниот век на посетителот.

Сепак, со текот на годините, нивото на зрачење во таа област е намалено, па сега напуштените училишни дворови, забавен парк и училници во Чернобил се отворени за посетители и стануваат сè поатрактивна авантуристичка привлечност.

„Веројатно ќе бидете повеќе озрачени за време на летот до Чернобил отколку таму“, рече научникот Клер Коркхил од Универзитетот во Шефилд.

Сепак, има едно место во светот што е многу повеќе радиоактивно од Чернобил. Според најновата студија на научниците од Колумбија, одредени области на Маршалските острови, каде САД спроведоа 67 нуклеарни тестови по Втората светска војна, сè уште покажуваат загрижувачко ниво на зрачење.

„Зголемено ниво“ на радиоактивни елементи беа откриени во 38 примероци од почва земени од 11 различни острови. Највисока доза на зрачење е пронајдена на островот Бикини, каде САД го спроведоа најголемиот тест за хидрогенска бомба, а подоцна потонаа десетици радиоактивни бродови.

Откриени се до 1000 пати повисоки нивоа на плутониум отколку што е забележано во Чернобил или Фукушима. Општо, беше заклучено дека четирите северни острови, Рунит, Анџеби, Бикини и Наин, се многу повеќе радиоактивни од областа близу електраната Чернобил.

Иако островите се претежно ненаселени, истражувачите веруваат дека блиското локално население треба да се „предупреди да не поминува време“ на тие места.