Колку навистина се платите во Германија? Просечна заработка 2.948 евра или...

Општо е верувањето дека платите се високи во Германија, но исто така и вистината дека коронавирусот создаде многу отпуштања од работа и удар по економијата. Сепак, кога станува збор за висината на платите, тие не претрпеле голема промена. 

- Статистичките податоци покажуваат дека просечната месечна бруто-плата во Германија во 2019 година била околу 2.950 евра. Според тоа, просечната нето плата од она што им се исплаќа на вработените е, сепак, многу пониско. Поточно, за 33 проценти пониско - и беше 1.945 евра - соопшти ДВ.

Зад тие скоро илјада евра, разликата помеѓу бруто и нето-износите, се додаваат даночните плаќања и придонесите за разни видови осигурување.

Износот на данокот што се одзема месечно од платата зависи од  класниот данок на работникот (има шест), односно дали живее во брачна заедница, дали е самохран родител, дали работи неговиот / нејзиниот парнер, дали еден брачниот другар заработува значително повеќе, работи повеќе, итн.

ДВ ја илустрираше разликата помеѓу бруто и нето платата во два случаи: за брачна двојка со две деца каде едниот сопружник заработува повеќе од другиот и има просечна германска плата од 2.948 евра месечно и за самец со иста плата.

Таткото или мајка на две деца, откако им се одбива 167 евра данок, 215 евра (7,65 проценти) во придонеси за здравствено осигурување, 274 евра (9,2 проценти) во пензиско осигурување, 36 евра (1,25 проценти) во осигурување за невработеност и 45 € (1,525%) за осигурување за старосна грижа - 2.209 € ќе легнат на сметката.

На лице кое живее без сопружник и нема деца, на сметката на која се уплатува платата во бруто износ од 2.948 евра ќе се најдат само 1.944 евра на сметката затоа што данокот што тој/ таа треба да го плати е многу повисок, се наведува во текстот.

Покрај тоа, тој/ таа мора да плати данок на солидарност од 22 евра, од кој таткото или мајката на двете деца од претходниот пример беа ослободени. Ако таа/ тој е исто така член на католичка или протестантска заедница, тогаш ќе му се одземат 40 евра (црковен данок).

Просечната плата, сепак, е апстрактна статистика која не кажува многу за тоа колку добро или слабо платени вработени се на одредени занимања. Разликата помеѓу оние на врвот на платниот список и оние на дното е огромна. Лекарите со титула примариус заработуваат просечно повеќе од 120.000 евра годишно, затоа, повеќе од 10.000 евра бруто месечно, нешто помалку заработуваат менаџери во трговскиот и финансискиот сектор и околу триесет илјади евра годишно помалку специјализирани лекари.

Оние што се на дното на списокот се жалат дека едвај врзуваат крај со крај. Последно, но не и најмалку важно, помошен персонал во кујната заработува просечно помалку од 2.000 евра бруто месечно, додека келнерите и фризерите заработуваат само неколку десетици евра повеќе.

Меѓу најлошите  занимања се агентите на кол центрите, готвачите, персоналот за поддршка на стоматолошките канцеларии, старателите и возачите на камиони. Медицинските сестри со мало работно искуство (во јавните здравствени установи), како и наставниците во градинките, имаат многу пониска од просечната германска плата.

Германија е една од земјите на Европската унија со законска минимална плата на час.

Луксембург има највисока законска минимална час (11,97 €) и уште четири земји членки на ЕУ: Белгија, Ирска, Холандија и Франција. Најниска минимална плата на час има во Бугарија (1,72 евра), Латвија (2,54 евра), Романија (2,68 евра), Унгарија (2,69 евра) и Хрватска (2,92 евра). И, се разбира, ова се бруто количини.

Па, дали платите се високи во Германија?

Од гледна точка на Македонија, тие сигурно се, и се значително повисоки од европскиот просек, но пониски отколку во Швајцарија, Луксембург и Данска. Статистиката и бројките го покажуваат ова, се наведува во текстот.