Од овде си замина пред 27 години: Родната куќа на Жељко Јоксимовиќ

Балканската музичка ѕвезда Жељко Јоксимовиќ (48) порасна во Ваљeво- Србија со неговиот брат Саша и родителите Весна и Бранислав.

Тој таму го заврши средното училиште, а потоа во 1993 година се пресели во Белград, каде се запиша на Факултетот за музичка уметност, и каде и денес живее.

Тоа е куќа со двор опкружена со дрвена ограда, има и стара фонтана, додека пред куќата нема цвеќиња.

- Доаѓањето во Белград за мене беше уништување на системот, шок. Увидов дека ме чекаат болни години на труд, работа, пожртвуваност, непроспиени ноќи, очај ... Ништо не беше како што мислев дека ќе биде, освен мојата желба да успеам. И јас навистина се борев како лав. Во одреден момент, најлесно беше да се откажам и да се вратам дома, и ми се случи да бидам гладен, несреќен, измамен и сам. Едвај, едвај сврзував крај со крај. И некако беше погубно за мене да се откажам и да кажам: Се обидов, но не успеав. Затоа работев без пауза, и ноќ, и ден и бев убеден дека некој ќе го признае сето тоа еден ден - рече Јоксимовиќ во една прилика.