По неколкумесечна успешна битка со коронавирусот во Виетнам, почина првиот човек

Првата смрт од инфекција со коронавирус е регистрирана во ВИЕТНАМ во последните 24 часа.

Земјата со 96 милиони луѓе успешно се бореше против пандемијата три месеци, а потоа пред една недела се појави зголемување на бројот на нови случаи на инфекција во популарниот туристички град Дананг.

Виетнамското Министерство за здравство денеска објави 45 нови инфекции, што е најголемото секојдневно зголемување на бројот на заразени во таа земја од почетокот на пандемијата, пишува „Њујорк Тајмс“.

Властите во главниот град Ханој започнаа масовно тестирање на „ковид-19“, затворени секафулињата и ноќни клубови и забранија големи собири.

Првата жртва на ковид-19

Според официјалното соопштение, денес починал 70-годишен маж кој веројатно го заразил коронавирусот во Дананг.

45 најнови случаи, на возраст меѓу 27 и 87 години, се донесени со три болници и две клиники во Дананг, според Министерството за здравство, кое испратило специјална работна група на експерти за здравство во градот преку ноќ, заедно со повеќе од 1.000 здравствени работници.

Властите во Дананг моментно градат теренска болница која ќе има 1.000 кревети за да го олесни притисокот врз градските болници, од кои четири се затворени како резултат на избувнувањето.

Дананг неодамна беше преплавен со тоа што посетителите ги искористија попустите чија цел е заживување на туристичкиот сектор.