„Сиромашни“ политичари: Какви автомобили возат Балканските лидери?

И додека дел од светските лидери се натпреваруваат кој каков автомобил ќе има приватно (да не зборуваме за државните автомобили во кои ги возат, а вредат милиони евра), добар дел од Балканските лидери имаат многу стари автомобили, оние кои им се во приватна сопственост. Од Вардар па до Триглав... и пошироко, се’ се тоа политичари со возила кои надминуваат дури и 30 години старост. 

Но, токму тие автомобили ги имаат наведено во нивните имотни карти доставени до официјалните служби во нивните земји. Некои политичари дури и немаат автомобили на свое име, туку на име на сопругите. Како и да е, скромноста веројатно ги краси и нив, па да видиме кој што вози:

Александар Вучиќ- Претседател на Србија

Иако според неговата имотна карта доставена до Агенцијата за борба против корупција, нема наведно дека има возило, сепак српските медиуми како „Вечерњи лист„ и „Блиц“ посочуваат дека вози „Шкода Октавија“ која му е од 2006 година. 

Во базата на податоци за имотот на политичарите објавени од мрежата за истраги за криминал и корупција (КРИК) се наведува дека автомобилот всушност го поседува братот на претседателот, Андреј Вучиќ и дека до 2011 година, Александар Вучиќ извршил сообраќаен прекршок со истиот тој автомобил.

Зоран Милановиќ- Претседател на Хрватска

Претседателот во својот имотен лист има наведено дека поседува „Форд фокус“ од 10.500 евра. 

Купен му е на лизинг, односно месечна рата од 172 евра.

Мило Ѓукановиќ-  Претседател на Црна Гора

И тој како и српскиот колега нема свој автомобил, барем не на свое име. 

Според неговата имотна картица, неговата сопруга, Лидија Ѓукановиќ поседува „Ауди А3“ од 2006 година.

Борут Пахор- Петседател на Словенија

Претседателот е многу актуелен на социјалните мрежи и често открива детали од својот живот. 

Според неговата имотна картица, тој поседува автомобил „Рено 4“ од 1991 година, стар скоро 30 години.

Еди Рама- Премиер на Албанија

Шефот на албанската влада веројатно е еден од единствените премиери кој не поседува возило во неговата имотна картица доставена на Високиот инспекторат за контрола на недвижности.

Стево Пендаровски- Претседател на С.Македонија

За нашиот претседател е познато дека поседува автомобил „Југо темпо 1.1“ старо повеќе од дваесет години, проценето на илјада евра.