Успеал да изеде 18 велосипеди, 7 телевизори, 2 кревети и авион
Додека некои луѓе се придржуваат до основите на вегетаријанската исхрана, други уживаат во месото, сите се трудат да го внесат во нивните тела она што им е потребно за нормално функционирање. Сепак, еден од најекстремните случаи е „Господин Сештојад“, чиј издржлив стомак ја доби Гинисовата награда, поради тоа што го јадеше.
Мишел Лотито стана познато име во светот на забавата благодарение на консумацијата на предмети кои не се сварливи, како стакло и метал.
Роден во Гренобл во 1950 година, во тинејџерските денови открил дека може да јаде што сака, односно предмети кои не се наменети за храна, па наместо да ја исчисти, успевал да изеде парчиња стакло откако ќе скрши чаша.
На 16 години влегол во забавната индустрија и почнал да настапува благодарение на неговата чудна исхрана. Методот бил да се искршат метални или стаклени делови на помали парчиња и да се проголтаат заедно со минерално масло и многу вода.
Она што подоцна беше откриено е дека тој има психолошко пореметување кое му создава апетит за предмети кои не се наменети за консумирање, а подоцна лекарите утврдиле дека неговото тело не е повредено поради густата слузница во желудникот и цревата. Во исто време, лекарите откриле дека дигестивните сокови на Лотит (стомачната киселина) се разликуваат од соковите на другите луѓе, што значи дека тој може да вари необични предмети.
На настапите Мишел јадеше се што му беше ставено - метал, стакло, гума и слични материјали. Се проценува дека јадел килограм метал и стакло на ден, што би убило нормален човек.
Во текот на кариерата успеал да изеде и „свари“ дури 18 велосипеди, 7 телевизори, 2 кревети, 15 колички од супермаркет, 1 компјутер, 1 куфер, 1 пар скии и 6 лустери. Најголемото достигнување во кариерата на Лотит е авионот за кој му требале две години, по што бил контактиран од Гинисовата книга на рекорди и му ја доделиле наградата за „најчудна исхрана“. Почина на 57-годишна возраст, на 25 јуни 2007 година од природна смрт.
извор: Блиц
