Животот трае само 29.200 дена: Помогнете си да не го потрошите залудно

Забрзаното темпо на живот стана наша неизбежна реалност. Насекаде околу нас чувствуваме притисок да постигнеме повеќе, да бидеме попродуктивни, да не заборавиме никакви обврски и секогаш да бидеме во движење.

Просечниот животен век е околу 29.200 дена, ова сите ќе не натера да сфатиме колку таа бојка е страшна. Ако се земе предвид и дека не секој ден е целосно искористен – дали навистина сме го посветиле секој момент да живееме како што сакаме? Дали живееме свесно или едноставно помина времето додека бевме ангажирани во работи кои не донесоа вредност или среќа?

Со денови за време на овие празници, се прашуваме дали некогаш навистина застанавме и размислувавме како да не го трошиме единствениот ресурс што го имаме – времето? И како може да го одржиме нашето ментално здравје во брзиот живот и да престанеме да губиме време на работи кои немаат никаква цел за нас.

Животот е краток, не го трошете залудно.

Времето е единствениот ресурс што не може да го купи ниту една сума на пари. Нема шанси да го продолжиме животот, да ги вратиме изгубените денови или да го вратиме времето што поминало. Овој уникатен ресурс е нешто што постојано го користиме и не можеме да го надополниме. Затоа е клучно да бидеме свесни како го користиме, бидејќи секој момент е можност, еднаш изгубена не може да се врати.

Разберете ја вредноста на времето

Во свет кој секојдневно не турка кон преоптоварување, размислувањето за менталното здравје често доаѓа како последна ставка на листата на приоритети. Но, менталното здравје е основа за се друго, а тоа што му се заканува запоставување поради секојдневното „забрзување“ и деловната, семејната и социјалната „ѕверка“ која треба секојдневно да се „храни“, мора да најдеме едноставни техники за кои сме сигурни дека се корисни и ни обезбедуваат потребен мир.

Со овие навики не можам да губам време, туку да живеам свесно и со цел. На крајот, можеби не е важно колку години живееме, туку како ги живееме.

Еве неколку навики кои може да ги усвоите, а кои се покажале како исклучително корисни за одржување на внатрешната рамнотежа.

1. Златниот збор е „не“

Годините не учат дека не можеме да направиме сè и дека не треба да бидеме „луѓе кои можат се“. Поставувањето граници не е знак на слабост, туку на мудрост. Способноста да кажеме „не“ на нештата што не исцрпуваат, обврските што не ни служат и врските што не исцрпуваат ни овозможува да заштедиме енергија за она што е навистина важно за нас.

2. Одвојте миг да дишете

Внимателноста е практика што треба да почнете да ја сакате затоа што нè потсетува дека живееме во моментот, наместо да се грижиме за грешките од минатото или идните несигурности. Внимателната медитација или дури и само неколку минути тишина секој ден може да помогне да се поврземе со себе, да ги смириме ислите и да ја вратиме силата.

3. Физичката активност не е мачење, тоа е терапија

Физичката активност не е корисна само за телото, туку и за умот. Трчање, возење велосипед, јога - сето ова може да биде одличен начин да се ослободите од стресот, да се подобри концентрацијата и да се грижите за вашето ментално здравје во исто време. Редовното вежбање ослободува ендорфин кој го подига расположението и го намалува нивото на анксиозност.

4. Спиј, спиј, спиј

Без квалитетен сон, ниту една друга стратегија нема да биде целосно ефективна. Спиењете е важано, на тој начин нема да дозволите стресот или напорните денови да влијаат на ноќта. Спиењето е време кога телото и умот ја обновуваат енергијата и тоа е основа за секоја друга активност што ја правите.

5. Едноставноста е клучот – отстранете го непотребното

Животот стана полн со непотребни работи и обврски. Научете дека едноставноста е клучот за менталната јасност. Преку минимализмот, и во физичкиот и во менталниот простор, можно е да се намали товарот и да се фокусирате на она што е навистина важно.

6. Ти си мој пријател ако ме инспирираш

Во свет каде што постојано сме бомбардирани со негативни вести, обврски и грижи, важно е да бидеме во друштво на луѓе кои не поттикнуваат да растеме и кои не поддржуваат. Вистинските пријатели, позитивните односи и конструктивната комуникација можат да бидат најдобрата терапија за умот.

Кога ќе погледнеме наназад, сфаќаме дека животот што го живееме не е нешто што е „таму“ и „само се случува“. Ти си тој што го обликува секој момент. За да го одржиме менталното здравје и вистински да уживаме во животот, треба да се посветиме на она што нè исполнува, да го слушаме нашето тело и ум и да не дозволиме брзината на светот да нè одврати од вистинската цел на животот.

Затоа што времето е неповторливо, а дури сега е навистина наше.